पहाड़ी समाचार उत्तराखंडक किसानों के आब आरएफसी क काँटों में होली धाननेक खरीद

उत्तराखंडक किसानों के आब आरएफसी क काँटों में होली धाननेक खरीद
हल्द्वानी : राज्य में धान खरीद सत्र जारी छू | सरकारेक तरफ भे सहकारिता , नैफेड [नेशनल एग्रीकल्चरल मार्केटिंग फेडरेशन आफ इण्डिया लिमिटेड] और आरएफसी [ संभागीय खाध्य नियंत्रक ] के तौल केन्द्रों क माध्यम भे लक्ष्य क सापेक्ष किसानों भे धान खरीदी जमरो | यो बार बाजार मूल्य क मुकाबले सरकारी मूल्य ज्याद हुन भे किसान सरकारी तौल केन्द्रों में धान बेचनक लिजी उत्साहित दिखाई दिमरान | येके चलते नैफेड और सहकारिता विभागेल धान खरीदक लक्ष्य प्राप्त करी ह्या | दिवे एजेंसियों द्वारा अफुढ़ काँटों में धान खरीद बंद करी ह्या | इम्मे हजारो किसानोंक के अफुढ़ धानक खराब हुनक चिंता सतुमें | लेकिन किसानों के आब ले निराश हुनेक जरुरत ने छू | ऊँ अफुढ धान आरएफसी क काँटों में बेच सकाल |